Gunawan Blog's

Friday, 20 May 2016

Geguritan "Bakul"

Bakul

(Dening Gunawan dkk)

Panase srengenge dadi kanca cedakmu

Ngancani dodolanmu supaya payu

Sliramu pancen kuat

Ngadepi srengenge lan rasa ngantuk ning jero awak

Kaya ora ana kagetunan kanggo gaweanmu

Meski kudu kesingkir lan keusir saka murkane persaingan bakul

Bakul..

Pancen tabah sliramu karo kahanan iki Bathi sitik

Kanggo nyukupi kabutuhan urip Supaya gegayuhan luwih apik

Dina Minggu aku lunga menyang Gunungkidul karo kancaku. Mangkat seko ngomah jam 7 esuk, tujuane dolan munggah Gunung Api Purba, Nglanggeran. Aku lan kancaku liwat Jalan Wonosari, dalane rame banget. Tekan lokasi aku tuku tiket banjur leren ning gazebo mergo perjalanane lumayan adoh. Sakwise kesele ilang langsung munggah gunung, nalika munggah gunung nglewati lorong-lorong sing sempit. Aku karo kancaku mlah diuyak-uyak munyuk mergo salah dalan. "Munyuke kok ganas yo, padahal awakdewe ra ngganggu" jareku. "Hooh, sujokno ra nganti tibo deko tebing" jare kancaku. Rasane kesel munggah gunung amergo lagi ping sepisan. Tekan puncak rasane seneng iso ndelok pemandangan daerah Nglanggeran lan embunge.

Sakwise iku, aku lan kancaku medun gunung langsung ning parkiran arep mampir jajan ning Bukit Bintang. Tekan Bukit Bintang, banjur pesen wedang lan panganan. Pemandangan ning Bukit Bintang apik, opo meneh nek bengi. Nek awan panas banget. Wedang lan panganan wes teko, aku lan kancaku banjur ngicipi. "Tuku es jeruk kok rasane koyo jeruk anget, aneh yo". Jare kancaku "Iki paling mergo ning kene hawane panas, padahal es e yo di kei okeh".

Grebeg Selarong

Mengeti Desa Guwosari kaping-69, Pemerintah Desa Guwosari lan karang taruna ngadakaken Grebeg Selarong tanggal 30 Oktober dumugi 1 November 2015, kang pusatipun ing obyek wisata Goa Selarong. Di adakaken uga pemecahan rekor dunia awujud blangkon gedhenipun 6,5m X 5,5m.

Puncak grebeg bakal diadakaken ing dinten Ahad, karnaval wiwit wanci 07.0 wonten ing Balai Desa Guwosari ngantos Goa Selarong. Sakalajengipun prosesi umbul dungo lan rebutan gunungan.

Grebeg Selarong uga dipun pameraken dening 15 desa Guwosari kang muncul kanggo nduduhaken potensial kebak layar ana unggul ing desanipun piyambak-piyambak. Di adakaken uga festival drumband, reog utawa jathilan, gejog lesung, paduan swara lan sanes-sanesipun.